我依家都想食tim...Day 5
戰爭紀念館 -> 梨泰院 -> 新沙-> 狎鷗亭 -> 安國年糕鍋 -> 三清洞 -> 【梨大】 -> 新村八色肉 -> 酒店
Breakfast： 酒店
Lunch：新沙醬油蟹
Dinner：安國年糕鍋
宵夜： 新村八色肉
呢朝早餐都係Isaac三文治呀！個D切片蛋糕換咗另一款，都好好食，比較甜。杯鮮奶無香港奶個種雪櫃味，微甜，好飲。
食完就搭地鐵到三角地去睇戰爭紀念館。
-------------------------------
戰爭紀念館 （免費入場）
唉，天公不作美，係咁落雨，又凍凍地，地鐵站12號出口上地面，一陣對腳就濕曬。沿住條街行咗5分鐘到，就會見到係右手邊0既紀念館啦。
據個簡介牌講，個半圓係由各個地區0既花崗岩組合砌出來架，而兩個男軍人代表南北韓想統一，但係始終有條裂痕。
呢個展覽館應該好heat，因為見到好多學校組團來參觀。
古代啞鈴
古代戰船
電子顯示屏，將D遊客寫0既野顯示係度。
個館非常大，有3層，跟住個指示牌行就可以行完，最近展覽緊北韓於2010年炸毀南韓海軍船個單慘劇。如果想細心行完個館，最少要2小時，我哋走馬觀花都用咗1.5小時。
----------------------------------
梨泰院
同一條地鐵線係梨泰院站落，任何一個出口我覺得都ok，我就係4號出口出。其實呢度感覺似蘭桂坊，好快行完，1個鐘都唔曬。
比較特別0既地方係，呢度兩邊街地下都有一塊塊金屬磚，上邊寫住唔同國家0既Hello表達語，行幾步就有啦。
我哋好快行完兩邊街，就搭返地鐵去新沙食野。 本人就唔係好建議來呢度，無野行，條街又短。
------------------------------------
新沙
來呢度0既原因實在太明顯啦！無錯，就係我至愛0既醬油蟹啦！！！
都唔明點解咁好食！！新沙地鐵站4號出口，直行係第二條巷入就到，幾乎成條街都係食呢D。我哋就揀咗最出邊個間，有首爾旅遊局推介，係日本都有分店。
小食，中間個碟係腐皮，小小辣
舖頭名
海帶好厚身
芝麻糕，味好淡
海帶絲，好好食，好有口感
正呀！！！蟹黃，蟹肉，紫菜，生蛋黃撈埋一齊，非常好食，趁熱食更好！20000w，頗貴。
主角來啦！！！兩隻大醬油蟹，80000w，頗貴，但係真係好好好好好好食！！
隻蟹都有D鹹，所以之後叫咗碗白飯（1000w），詞乏tim，唔知點形容個種好食程度。。。我本身就係好鍾意食醬油蟹，呢間D蟹好多肉，D黃又多，一啖咬落去，D肉“必”入口，軟軟地，好似會溶咁。。。
最後食咗差唔多個半鐘先食完，埋單101000w，好飽好飽。舖頭D員工都幾好服務，走個陣都見唔少日本人係度食。有機會下次會再來食！！
-----------------------
Sorry ar 各位，我依家先來Update，假期去咗同朋友親人過節，實在太夜，無力update。。。
另一方面收到船難的消息，萬分震驚，痛惜，提唔起精神用愉快的心情將回憶轉為文字。希望大家見諒。RIP
-----------------------
新沙洞林蔭道
建議大家花D時間係度慢慢行，條街雖然唔長，但係好多野行，D舖頭非常有特色，D樹蔭遮曬D陽光，極好行。兩邊街道均有唔少舖頭，可以行完一邊折返行另外一邊。行個陣見到唔少日本人，掃貨掃得好厲害，我比較鍾意一件叫做 Babara 0既鞋鋪（其後係三清洞發現有分店），D日本人將自己揀好0既鞋叫職員用EMS寄返屋企。我本身就好鍾意平底鞋，呢間完全fit曬我需要，手工，款式都一流，唯獨一樣：價錢，最平都要HK$700。。。但係真係好靚，建議大家去望下。
-------------------------
狎鷗亭
雖然感覺由新沙洞林蔭道行過去好近，其實都要花D時間，途徑D巷，好有日本feel。如果行大馬路就會見到周圍都係整容診所，多到行兩步路就一間咁。。。
都有D舖頭仔可以行，但係多數都係名牌，或者不知名本地牌，價錢不菲，我都係Window Shopping下。
總括一句：不來也罷，沒有什麼特別吸引我的地方，只係想睇下會唔會撞倒D明星，明星就見唔到啦，保姆車就見唔少。下次如無意外唔會再來。
-------------------------
安國年糕鍋
我係其他Blog友個度Crop出來，呢副圖好準，跟住實搵到。
間鋪好隱蔽，不過由於太出名，所以介紹得多，自然容易搵。好彩我去個陣未到晚市，一入去就有位坐。大部分都係本地人，D職員似乎有幾個係中國人，識普通話。我哋叫咗芝士燒肉薯仔面，拎上來其實就已經可以開餐啦！
D年糕係我食過最好食架！！又軟又彈牙，口感一流！
D薯仔面都幾韌，好好食，建議大家叫呢隻面多過公仔麵，我之後係買咗D返香港，自己煮得太熟，無咁好食。芝士同燒肉呢個搭配都幾唔錯。
食完同職員講要炒飯，D職員就會將你食剩個D倒曬，然後加辣醬，粟米，紫菜同一碗白飯再炒。一般。。。
2個人食剛剛好，未算太飽，個鍋值得Encore，但係個炒飯就可免則免啦。呢餐埋單～12000w到，抵食！
--------------------------
三清洞
好地方呀！！一定要去！！前一次去首爾個陣已經去過一次，不過由於時間太趕就無逐間去睇。今次預留足夠時間，慢慢行，逐間睇。基本上大部分舖頭都係boutiques，間間都好有賣點，俾D心機應該可以搵到心頭好，營業時間幾乎都係12nn至夜晚9點。
其次就係呢度充滿古色古香，歷史味撲鼻而來，加上我至愛0既韓屋，真係超Like，流連忘返，次次來韓國都要來呢區。
由年糕鍋店出來轉右直行，見到條大馬路後過對面條小巷繼續行就係啦。
下邊呢幅係官方旅遊路線圖，就係個巷入口前少少。如果跟住行曬都要3個幾鐘，我哋自然唔跟啦，太辛苦啦。
再行前少少就可以見到呢對石像。
跟住就係我最最最最最最鍾意0既鞋鋪 - SPUR
D鞋明星都有幫襯，幾乎對對我都鍾意！！價錢都ok，HK$400左右，鋪位接近街尾。我最終買咗2對，都係平底，超超超超鍾意呀。。。後來返香港先發現，原來鑽石山都有一間，最近9月28號沙田開咗一間，來緊11月奧海城會再多一間。依家去新鋪買2對有8折，新鋪開張買任何鞋送永久VIP卡！！！等我呢個禮拜6再去望下先。
PS，呢度都有Babara。
我哋行到去10 Selection就折返，原路返地鐵站。
就來天黑，條街都幾多車，但係行人路好窄。
同官方個景一樣，真係好靚！不過手震，影得唔靚。
行咗接近2粒鐘先至去地鐵站，見時間尚早，就去梨大繼續Shopping。
-------------------------------------
梨大
梨大同新村非常近，好似旺角同油麻地咁，所以官方網站都擺埋一齊。
入夜就唔去梨大，轉戰附近0既Shopping Area。之前來首爾玩都有來呢度，買咗好多野，今次都唔例外，買買買！！！我估我下次來都會繼續係度買買買！！哈哈哈！
今次買咗：一個皮質背囊，一對男裝鞋，一件長袖T，一對絲襪。。。如果唔係太夜，我會繼續買。。。
-----------------------------
買到就來9點半，我哋就行去新村，行程上寫咗晚餐食八色肉，掙扎咗一輪，要肥定要食。。。啊，終於被惡魔打敗，去咗食燒肉。。。
八色肉
Blog友提供，好準。
去到就來10點，係時候食宵夜。。。我哋叫咗最經典0既八色肉餐，我覺得3個人食最適合。
個海鮮鍋係送架！不過最後太飽，食咗D海鮮Only。。。
主角來啦！！八種醃料製成的豬肉，有人參，紅酒，松葉，咖哩，泡菜等等。。。
D金菇吸曬D豬肉味，都幾好味。
D豬肉加埋D蔥泡菜，再加菜葉，都幾好食。不過大部分醃料燒完好似差唔多味咁，唔係好食得出邊種打邊種。
食完超飽，慢慢行返酒店。
--------是日完-------
-------------------------------------
梨大
梨大同新村非常近，好似旺角同油麻地咁，所以官方網站都擺埋一齊。
入夜就唔去梨大，轉戰附近0既Shopping Area。之前來首爾玩都有來呢度，買咗好多野，今次都唔例外，買買買！！！我估我下次來都會繼續係度買買買！！哈哈哈！
今次買咗：一個皮質背囊，一對男裝鞋，一件長袖T，一對絲襪。。。如果唔係太夜，我會繼續買。。。
-----------------------------
買到就來9點半，我哋就行去新村，行程上寫咗晚餐食八色肉，掙扎咗一輪，要肥定要食。。。啊，終於被惡魔打敗，去咗食燒肉。。。
八色肉
Blog友提供，好準。
去到就來10點，係時候食宵夜。。。我哋叫咗最經典0既八色肉餐，我覺得3個人食最適合。
個海鮮鍋係送架！不過最後太飽，食咗D海鮮Only。。。
主角來啦！！八種醃料製成的豬肉，有人參，紅酒，松葉，咖哩，泡菜等等。。。
D金菇吸曬D豬肉味，都幾好味。
D豬肉加埋D蔥泡菜，再加菜葉，都幾好食。不過大部分醃料燒完好似差唔多味咁，唔係好食得出邊種打邊種。
食完超飽，慢慢行返酒店。
--------是日完-------
沒有留言:
張貼留言