，OMG，大家千企唔好跟，我行到最後直頭同老公講：“救命，我返去啦，腳斷啦！！” 不過當然係收穫最豐富0既一日！Day 4
貞洞路 -> 光化門 -> 曹溪寺 -> 糕三時代 -> 馬羅尼埃公園 -> 駱山公園 -> 大學路購物街 -> 『南大門』-> 【明洞】 -> Lotte Mart -> 酒店
Breakfast：酒店
Lunch：糕三時代
Dinner：李小姐咖啡室
+ CU 便利店小食 間酒店好D職員超級nice（可以話係我係韓國so far見過數一數二nice0既員工），早上7-9am提供早餐，有人會送到你間房，好正！初初我以為係普通0既麵包加杯奶，點知收到好驚喜，原來係Isaac三文治一份，切片蛋糕，3-4塊外加每人一杯牛奶或橙汁。遠遠好過釜山個間垃圾3星酒店！！兩人食完早餐好飽，跟住就出發！
----------------------------
貞洞路
據講呢條街係韓國最美100條街首位，自然要去參觀下，睇下有幾靚。地鐵達到市政廳，然後係10號出口向前行100m到右轉入巷直行就ok。實際路線圖大家可以參考下邊幅地圖，有樹葉標示住0既就係。
行咗一陣250m，就到貞洞第一教會，條街唔知係唔係因為早，好寧靜，少少涼，行得好舒服。
繞過教會（教會其實就係轉角迴旋處），向左繼續直行。
對呢D兩旁係整齊0既樹街，本人最無抵抗力，實在太靚，太對稱啦！！人又少，散步一流！
行到咁上下就過馬路行對面街，途徑呢個好耐歷史0既報館。
下邊個個係重明殿，係以前俾D外國官員大使住0既。地點比較隱蔽，大家留意左手邊，行過個日報社，一陣就到。免費入場。
再向前行，過咗迴旋處就會見到呢幾個雕像，初初遠睇以為好普通幾舊石，近睇先知道，原來係壓扁咗0既人。
根據個說明牌， 先明白，原來想表達泡菜醃製（D泡菜通常會被壓扁擺係個瓦缸入邊）技術係代代相傳的，所以你會見到三代同堂。唔講真係唔知。
呢度仲靚，則邊係德壽宮，D杏樹開始落葉變色，想像到到咗秋天時，D樹葉變金黃色或者紅色，呢度肯定更加靚，不愧為100條最靚街道首位！如果有時間，建議慢慢行，感受下，真係非常寫意。官網寫行2.5小時，包括宮，如果但係行條街，1小時足夠。
----------------------------------
光化門廣場
條街盡頭左傳就係德壽宮正門，直行15分鐘內就到光化門廣場。一路行一路覺得呢度就係香港0既中環同皇后像廣場。。。
來遠就見到啦！
當地警察局，有兩個卡通警察，幾得意
其實上次都有來呢度，但係來到天都黑埋，影咗D相，效果麻麻地，所以今次再影過。天光來睇，感覺確實又係唔同D...
呢個殿係光化門廣場右邊，要過馬路先會見到。
依家至年尾呢度會有水稻展覽，來自全國唔同地區0既水稻聚集在此，都幾特別。
世宗大王銅像 - 發明韓文同其他科學技術，係國民最崇敬0既人物之一
今次特登來其中一個原因就係睇完 仁顯王后的男人 ，留意到原來則邊有條溪，底部刻住D重要0既年份同事件，代表住時間的河流向前邁進。
呢張圖會睇得清楚D
---------------------------------
曹溪寺
影完後就行去曹溪寺。地圖就話行8分鐘，我覺得要行15分鐘到。
光化門廣場至美國大使館有條行人馬路，所以過馬路沿住條街行就得。
途徑消防局 - 119，係正美國大使館後邊，好尷尬lor
再經鐘路區聽
行前多少少，留意左手邊，會見到條好窄0既巷，直行留意右手邊就會見到哦個寺0既後門啦。
後邊係廚房，前邊係大殿，D信徒好虔誠，下邊副相有個男人係寺外拜咗好耐，我哋坐咗10幾分鐘，拜足10幾分鐘，起身跪低。
側閣
大殿 - 好多信徒
殿外石像
行完個寺，行埋隔來個佛教小型博物館（免費入場）就走啦～
出咗個寺向右行，一直行到底就係鐘閣地鐵站啦。途中見到街邊間間都係佛教用品店或者和尚衫，仲有小和尚tim...
------------------------------
糕三時代
注意，只有鐘閣呢間係正宗，其他如明洞個D分店都係假架，官方網站得呢個地址。
容易搵到爆，幅圖最頂綠色圓圈圈住就係曹溪寺，一路直行到地鐵站過埋個馬路行到4號出口位前少少，有條好窄0既巷（係個套韓劇 燦爛的遺產 第三集 入邊個女主角賣早餐個拍攝地點），直行1分鐘就會見到，間鋪係2樓。
局部放大，紫色圈住位係入口，行上一層就到。
Screen Cap 咗套戲俾大家望下：
那主角身後個building就係啦！
離4號地鐵站出口幾步路而已
間鋪11點半開，我哋早咗小小，所以周圍行下。正好碰著個普信閣交班儀式，就行咗去望下。上次來正好搞聖誕演唱會，封鎖咗，今次補返。
跟住行返如內街見到Oliver Young，即刻入去買包腳貼（～4-5000w），一包5對。
之後就去返店門口，由店員帶路上2樓：
呢度出名食三花肉，所以我哋2人叫做一份三花肉及一份豬脊肉（？豬頸肉？唔記得），D年糕係配埋0既。年糕有4種，但係我覺得味道好似一樣。中間半圓個D係醃蘿蔔，幾酸下，好開胃。其實唔用年糕包仲好食。
主菜上場，近鏡頭左邊係豬脊肉（？豬頸肉？唔記得），右邊係三花肉，中間蒙個D係切片薯仔同洋蔥，最後一排係芽菜同泡菜。D三花肉極之好味！！
D薯仔最後食，半脆狀態好好好好好味！！！！！！！！！ D芽菜吸曬豬肉汁，少少鹹，用菜葉連埋D泡菜，豬肉包埋一齊，啊，忘了，加埋豆瓣醬，哇。。。極品，唔該俾10粒星out of 5粒。
極品！！
食飽埋單23000w
----------------------------------
惠化站 - 駱山公園
惠化站2號出口行前就係馬羅尼埃公園，不過裝修ing，無緣。。。公園隔來見到D後生仔係度自彈自唱。
咁啱有D幼稚園小朋友經過
沿住個地圖行，其實都會周不時見到下邊呢張官方地圖教你點行，唔怕迷路。我對上一次來，傍晚時間，影得唔靚，又當失路，一個字慘。。。
個斜坡都係咁攞命。。。終於上到來呢個台，兩日一夜都有來過，特別懷念！！基本上來惠化就係因為呢個節目，因為昇基～
個博物館好細，一眼望曬
落山時見到
最鍾意呢類路啦～～
好多家庭都會為個牆粉飾，即時動感起來
好似真係有隻狗仔網出來咁
落山時留意左邊會見到下邊呢個樓梯，睇下我：
睇下昇基（搵唔到大張D）：
其實原本仲有對天使翼架，不過昇基去完後，太爆啦，影響到住家，所以油咗，依家無lu。。。
個樓梯旁就係呢個HiHi公仔啦
就快到山腳，見到梨花莊，呢個係韓國首位總統住0既地方，要入去就要提早電話預約，我哋當然無啦，唯有係門口影下。
---------------------------------
終於落到山腳底啦！
大學路
凡係大學附近，我覺得都係Shopping最佳地方，款式多，D野又平。
說明一下下邊張地圖先：
紅色三角形：10×10惠化店
藍色星：李小姐咖啡室
綠色圓形：O'sulloc
10×10好多特色文具睇，有D似City Super。
對面就係李小姐咖啡室，裝修得好有特色，入邊D野幾乎全部都係用木。
叫咗最熱門個樣，飯盒，配大醬湯一碗。收到個陣係咁樣，擺得好整齊。
上下左右搖咗一大論後：
賣相ok，口感一般，老實說，係我係韓國食過最失望0既一餐，埋單6000w，唔值。除非係因為鍾意某個綜藝節目藝人而拜訪，如果唔係，我唔建議來呢度食。
O'sulloc都好近，但係食得太飽，所以就無去lu。。。下次再補返啦～
-----------------------
原本想去南大門，但係有任務在身，要幫人買護膚品，所以就去咗明洞。係其中一間鋪頭竟然見到繆美詩係度做緊訪問。
由於全程搏殺，完全無心情影相...
明洞Shopping完就去首爾站Lotte Mart繼續買買買，但係我實在行唔郁啦，超快速掃落個手推車到就去埋單啦。好彩我今早出門時攞多咗個大環保袋，剛好將背囊裝唔落個D擺曬入個袋到，滿載而歸。。。建議大家自備環保袋，因為D膠袋要收錢架。
好不容易先至返到酒店，係Lotte Mart買個D即時塞爆咗一個Gip！！
下邊係明洞買護膚品送0既sample，今次都算爽手，送咗一大堆！
下邊呢對就係我自己同幫人買個D，遲下我會係後記個度寫用後感。“休足時間”我即晚就用咗，兩隻腳板底個一塊，開頭就涼涼地，但係半夜迷糊時竟感覺到熱辣辣。早上起身，隻腳已經唔覺得痛啦，睇來效果確實唔錯！
臨訓前，我哋又食咗便利店買0既飯卷同灌裝桃味汽水。兩樣都好好食，值得推介！飯卷1500w到，汽水1000w到，唔係好記得，差唔多呢個價錢。基本上係飯卷我都鍾意食。
-----------是日完------------
沒有留言:
張貼留言