好唔捨得，望住成千張相，依家寫剩唔夠50張。D回憶依然歷歷在目，好想再次出發呀！！
Day 6
酒店check out -> 弘大 -> 梨大 -> 新村 -> 機場回港
Breakfast：酒店
Lunch：『弘大烤肉』* 弘大炸雞
班幾夜晚8點鬆D出發，時間尚早，於是就善用早上呢段時間行下附近弘大梨大。
早餐時間雖然過咗半個鐘，但係職員好好人，照舊拎上來俾我哋食～
抵讚！食飽就去check out，原本18kg0既Gip，依家全部爆曬。 有D人話呢間酒店唔俾擺Gip，不過我就好好運，個女職員俾我擺，我覺得好可能係睇邊個職員lor。
---------------------------------
弘大
由新村行過去，如果知道捷徑的話，15分鐘就到。
搵咗一大輪都搵唔到藍色箭嘴指住個個雪糕夾餅店，唯有放棄，都唔知係唔係有開。。。可惜，下次再搵。
我哋係弘大影完相就去咗食炸雞，又係個間Bonchon炸雞，不過今次個店員識英文同普通話，終於可以叫到唔辣0既雞。今次真係好好食，17000w一隻雞，食唔完，外賣拎走。。。
----------------------
梨大
之前個日有去過，今次特登去，其中一個原因係要影低我好鍾意0既個間手工手袋鋪。本人非常buy。
近少少，就係呢間啦，D手袋據個老闆講部分皮質手袋係自己design同做架，所以每個款都係Unique架。
我上年無意之中發現咗呢間，買咗個男裝背囊，今次去旅行都有用到，真係好好用，裝到好多野。所以今次去我又特登再次拜訪，又中招，買咗個皮背囊，係老闆自己親手縫製，得一個，HK$480到，我覺得都幾值，遲下係後記post 個袋同地圖上來俾大家望下。
另一個原因來係因為之前去梨大女子大學唔知道可以入去就係門口影咗D相，今次當然唔可以再飲恨miss啦！！
我哋去到個陣學校剛剛放學，好多女學生湧出校門，靚女認真唔少！
行入D，見到呢個V型大道，好型呀～～入邊就係課室。
V型上邊種咗D樹，條石仔路配埋D草坪，望落去真係舒服呀！！如果有D咁靚0既環境讀書，真係心情都好D！
Main Hall，我估。。。
行完呢度，我哋就行返酒店攞行李準備登機啦。。。
記得登記前預留時間辦理退稅事項，橙色同藍色退稅櫃檯都要排隊架，所以可以一人排一條隊，快D架。
返港搭國泰，睇咗套MIB3，幾搞笑下，D飛機餐好食過港龍，11點到就到達香港啦。
-----全程完，有些少補充我會再編寫下，其他買咗0既野，護膚品用後感同酒店，我會擺係後記到再寫----
沒有留言:
張貼留言