釜山首爾6日5夜行 - 酒店篇

時間轉眼就到11月中，啊，Why！！Why我現在再補寫，全因為有人“溫馨”提示了我 - 最重要個後記何年何月才寫好。。。Sorry呀各位，我致命毛病發作，一時失控，見諒，見諒！

嗯，等我回憶下先。。。

話說，這次旅程由釜山入首爾出，住了2間酒店，一間叫”Busan Tourist Hotel“另一件叫”Parfe Hotel“。


Busan Tourist Hotel

實在是失望到極，Why？一個字 - 差，兩個字 - 極差。。。

差：裝修殘舊，正方形（雪花Mong查查）電視機，掉漆花灑，冷氣設備落後
極差：付費自助早餐（Sorry，我真的是耿耿於懷）極少選擇，得凍咗0既豆角，腸類，粥，麵包，橙子。。。一眼望曬，盛惠HK$120/人

無奈跟Package買，無得揀。。。

唯一一樣好就係交通便利（啊，仲有一樣就係間房大D）。。。出酒店後向右走10分鐘就到南浦地鐵站，旁邊就係購物街。一定不會迷路！

我住的房間同官網這個一樣格局：

可能釜山臨近日本，間酒店我覺得超過50%係日本人住。。。個人唔推介。

Parfe Hotel

自己揀，住了3晚，除了房間偏小，浴室無Sink 盤，其他一切都好新，新裝修咁。。。入住個日，個女服務員好nice，送咗包日用清潔套裝俾我哋，入邊有牙刷，牙膏，細M巾等。。。

如果不介意住廉價酒店，我覺得這間酒店算不錯，原因：

1. 近新村地鐵站，5分鐘路程，唯獨個斜坡比較令帶行李的人士卻步。
2. 近出名的站食牛肉店，真的好近好近，1分鐘就到。
3. 裝修非常新，麻雀雖小，確五臟俱全，男士，女士，情侶用品，雪櫃，電腦，Wifi等等統統都有，超大薄mon（注：有色情台，所以都有D懷疑前身係時鐘酒店，不過依家都係旅客），全屋燈和冷氣都可以用一個遙控控制。
4. 有Isacc早餐食呀，真係好好食，外加幾片糕點同橙汁或鮮奶，飽肚又健康。不過供應時間至9點半，需注意。

總括來講，如果你係購物觀光為主，早出晚歸的話，這間酒店住得過。 有人問我可否暫存行李，我估係睇情況，我個case就得，我入住前問咗個女職員，話ok。

我住個間，平均HK$470/晚，依家好似貴D：

----------完---------